फोनबाट निरुतालाई आयो बलात्कार गर्ने धम्की

म्युजिक भिडियोहरुमा देखिँदै आएकी मोडल निरुता क्षेत्रीले आफुलाई बलात्कारको धम्की आएको बताएकी छिन् । नाचिदेउ नाचिदेउ बोलको गीतको छाँयाकनका क्रममा उनलाई फोनबाट यस्तो धम्की आएको हो ।

पहिले पनि एकदुई पटक कल आईसकेको नम्बरबाट नचिनेको मान्छेले फोन गरेर सुटिङस्थलमै बलात्कार गर्न नपरोस् भन्दै धम्की दिएको उनले बताएकी छिन् । ती व्यक्तिले फेरी भोली तेरो नाममा बलात्कार भएको समाचार आउला होस् गर भनेर फोन राखेको उनको भनाई छ । एक अनलाईनसँग कुराकानी गर्दै उनले अब पुलिस प्रशासनको सहायता लिनु पर्ने अवस्था आएको बताएकी छिन् । 

मोडल निरुताले आफुलाई गायनक्षेत्रमा पनि स्थापित गराईसकेकी छिन् । उनले केहि तिज गीतसँगै आईटम गीत पनि बजारमा ल्याएकी छिन् । शनिबार सत्यराज चौलागाईको निर्देशनमा सुटिङ भईरहेको ‘नाँचिदेऊ नाँचिदेऊ’ आईटम गीतमा पनि निरुताले आईटम डान्स गरेकी छिन् । गीतमा सुरेन बस्यालले कोरियोग्राफी गरेका छन् भने संकल्प भुजेलले खिचेका छन् । त्यस्तै भिडियोलाई टेकेन्द्र शाहले सम्पादन गर्नेछन् ।