स्वार्थी मनले मन परुइँया धेर भेट्नु,

स्वार्थी मनले मन परुइँया धेर भेट्नु,
मुँहले केल मैयाँ करुइँया धेर भेट्नु ।।

क्या जमाना आइल खै का कना हो,
बाहानाले दिलम धरुइँया धेर भेट्नु ।।

अचम्म बा दिनबार पैसक लालच म,
मिठ बोलीले आँर्हा दरुइँया धेर भेट्नु ।।

वा वा क्या बाटँ बा बाहार्से राम राम,
भित्तर मुटुम पिडा भरुइँया धेर भेट्नु ।।

तनमन सब्के एक्कहो निसोच्त मनै,
रेट्ख ढक्ढिउरा हर्बरुइँया धेर भेट्नु ।।

आघ केल हेर्ख नेंना गज्जब बाटँ मनै,
उस्टा ख लात्तले सरुइँया धेर भेट्नु ।।

काजे बनैलो भगवान मैयाँ कना चिज,
उह मैयाँम जिन्दगी हरुइँया धेर भेट्नु  ।।।


रट्गैयाँ टेक
मानपुर १ मानपुर दाङ
आबक बसाइ आनक ड्याश साउदी म साउदी म

फोटो फेसबुकमसे साभार

आभार प्रकट करचाहतु बाङ्ग रट्गैयाँ संघारी आगामी दिन मन फेन अप्नक सृजाना संघारी मे पोष्ट कर्ना अबसर देबी धेरधेर धन्यवाद ........

अप्न फेन साहित्य सृजनाम कलम चलैती बाटि चलैती बाटी कलसे अप्नेहुकनक साथके लाग् संघारी हन संम्झ सेक्ने बाटि । सृजना के साथ साथमे आपन ठेगाना व आपन फोटो फेन पठाइ पर्ना हुईथा फोटा पठाइबेर सकेसम्म एकल आपन फोटो केल रहल पठाइ प्रने बा व कुछु सल्लाह सुझाव बा कलसे फेन सल्लाह सुझाब फेन लिख्न पठाई सेक्बी संघारी हुक्र हामार ठेगाना बा ,
ठेगाना : sangsanghari@gmail.com